Сошиал маркетерүүдийн зайлшгүй мэдэх ёстой чатбот 8 тренд 2022
Чатботын хэрэглээ яг гэрлийн хурдаар нэмэгдэж байна. Вэб хуудас дангаараа хангалтгүй болж, дижитал маркетингийн экосистемд чатбот заавал байх ёстой бүрэлдэхүүн хэсэг болжээ.
Facebook messenger чатбот нь зөвхөн мэссэнжерээр хэрэглэгчдэд үйлчлэхээс гадна веб сайт, Instagram гэх мэт бусад сувгуудтай ч холбогдон ажиллах боломжтой болж байна.
Бизнесийн байгууллагуудын хувьд харилцааны чатботууд хэрэглэгчийн хүсэлтийг хүлээн авч, шийдвэрлэж, зардлын өгөөжийг нэмэгдүүлж, үйл ажиллагааг автоматжуулах ихээхэн боломжийг нээж өгч байгаа юм.
Чатботууд ч эхэн үеийн энгийн хэрэглээнээс илүү төвөгтэй, олон үйлдэл, автоматжуулалтын функцуудыг гүйцэтгэх боломжтой болсоор. Мэдээж энэ нь ердөө л эхлэл гэдэг нь ойлгомжтой. Шилдэг, тасралтгүй, хэрэглэгчдийн сэтгэлд нийцэх хэрэглэгчийн үйлчилгээг хүргэх зайлшгүй нэг орц нь чатбот болжээ.
Энэхүү нийтлэлд чатботын эргэн тойронд юу болж байгаа талаар ойрын жилүүдэд ялангуяа 2021 онд чатбот хааш чиглэн хөгжиж буй талаар ярилцахаар бэлтгэлээ. Ирэх жилийн тренд, мэргэжилтнүүдийн сэтгэгдэлийг мөн танилцууллаа.
Чатбот статистик үзүүлэлтүүд
Ямар ч эргэлзээгүйгээр чатбот бизнесийн байгууллагуудын хэрэглэгчидтэйгээ харилцах арга замыг цоо шинэ шатанд гаргаж байгааг доор статистик тоо баримтаас харж болно.
Чатбот зах зээлийн хэмжээ 2019 онд 2.6 тэрбум доллар байсан бол 2024 онд 9.4 тэрбум доллар болж өсөх төлөвтэй байгаа аж. Ялангуяа онлайн худалдаа, худалдааны байгууллагуудын хувьд энэ өсөлт бүр хурдтай байх дүр зураг байна гэнэ.
Нөгөө талаас хэрэглэгчдийн 50-иас дээш хувь нь бизнесийн байгууллагуудыг 24 цагийн турш нээлттэй байх хүлээлттэй байгаа бол энэхүү асуудлыг шийдэх гарц нь чатботын хэрэглээ байх гэнэ.
Түүнчлэн чатбот нь хэрэглэгчийн үйлчилгээний зардлыг 30% хүртлэх хувиар хэмнэх ч боломжтой.
Ийнхүү эрчимтэй өсөж буй чатбот зах зээлийн топ 8 статистикийг хүргэж байна.
1. Хэрэглэгчийн үйлчилгээний мэргэжилтнүүдийн 59% нь хиймэл оюун ухаан улам боловсронгуй болно гэхдээ хүмүүсийг орлох болоогүй гэж үзэж байна.
Хэрэглэгчийн үйлчилгээг шинэ түвшинд гаргах чатбот дараах 5 зүйлийг шийдсэн байх ёстой гэнэ.
Тухайн хэрэглэгчийн хэрэгцээ, шаардлагад нийцүүлдэг: Тухайн хэрэглэгчийн худалдан авалтын сагсны мэдээлэл, өмнө нь харилцаж мэдээлэл авсан түүх, хэл, газарзүйн байршилд тулгуурласан сегментчилэл, илүү зорилготой чиглүүлэлтүүдэд үндэслэн хэрэглэгч тус бүрт тохирсон хувьчилсан харилцаа үүсгэх боломж олгох.
Хүн төвтэй: Мэргэжилтнүүдийн 98% нь чатботын хиймэл оюун ухаан лавлах үйлчилгээний мэргэжилтнийг бүрэн орлох биш харин тэдний ажилд дэмжлэг үзүүлэх хэлбэрээр ажиллах болов уу гэсэн хүлээлттэй байна. Хүмүүс чатботын хиймэл оюун ухааныг зөв шийдвэр гаргахад туслах хэрэгсэл хэлбэрээр ашиглах боломжтой байх.
Хэрэглэгчийн үйлчилгээний шинэ боломжууд: Хэрэглэгчдийн хувьд хүлээх хугацаа бага, ямар нэг төвөггүй үйлчилгээ, жилийн 365 хоног, өдөр бүрийн 24 цаг тасралтгүй ажиллагаа чухал гэнэ. Чатбот зөв ашиглаж чадвал эдгээр зүйлсийг бүгдийг төгс гүйцэтгэх боломжтой.
Чанартай харилцаа: Хэрэглэгчид өөрийн сонгосон сувгаар, нөхөрсөг, алдаагүй, шуурхай үйлчилгээг хүсдэг. Бизнесийн байгуулгуудын хувьд чатботын харилцааны боломжуудыг (жишээ нь интерактив харилцаа, файл хуваалцах гэх мэт) бүрэн хэмжээгээр ашиглан хэрэглэгчийн сэтгэл ханамжийг дээшлүүлэхэд анхаарах хэрэгтэй.
Хэрэглэгчдийн мэдээллийн нууцлал: Хэрэглэгчдийн дата мэдээллийг хамгаалах нь нэн тэргүүний хэрэгжүүлэх арга хэмжээ. Чатбот платформууд мэдээллийн аюулгүй байдал, түүний стандартуудыг дагаж мөрдөх, хэрэгжүүлэх шаардлагатай.
Эдгээр шаардлагыг хангасан чатботын үйлчилгээ нь бизнесийн байгууллагуудын өмнө тулгараад буй асуудлуудыг шийдэхэд тун их тус нэмэр болно. Гэхдээ хүний оролцоог бүрэн үгүй болгож чадахгүй л болов уу хэмээн мэргэжилтнүүд таамаглаж байна.
2. Чатбот хамгийн бага зардлаар өндөр өгөөж авч ирэх хөрөнгө оруулалт хэмээн хүлээн зөвшөөрч байна.
Accenture digital компаниас гаргасан судалгааны үр дүнгийн хэсгээс доор орууллаа. Уг судалгаанд хамрагдсан Гүйцэтгэх захирлууд чатботын технологиос ойрын ирээдүйд ямар үр дүнг хүлээж байгааг харж болно.
- Аливаа төлөвлөсөн ажил үүргийн талаарх автомат сануулгыг ашигласнаар ажилагсдын бүтээмжийг нэмэгдүүлэх болно- 61%;
- Бусад ботуудтай хамтын уялдаатай ажилласнаар харилцагчийн асуулгыг шийдэх боломжийг бий болгоно-60%;
- Веб сайтад зочлогсодтой харилцаа үүсгэснээр зөвхөн тухайн хэрэглэгчид зориулсан үйлчилгээг санал болгох боломж олгоно – 57%;
- Байгууллагын дотоодын харилцааг үр ашигтай болгоно – 57%;
- Хэрэглэгчдийн захиалга хийх үйл явцад нь тэднийг чиглүүлж, хэрэгтэй тусламжийг өгснөөр шинэ хэрэглэгч олж авах, байгаа хэрэглэгчээ хадгалах боломжийг нэмэгдүүлнэ- 54%;
Accenture зөвлөх компанийн гаргасан судалгаанд хамрагдагсдын 57% нь чатбот хамгийн бага зардлаар өндөр өгөөж өгөх хөрөнгө оруулалт мөн хэмээн хүлээн зөвшөөрчээ. Жилийн өөр, өөр улс оронд байрлах, төрөл бүрийн салбарын, орлого нь хамгийн багадаа 500 сая доллар байх компаниудын 97 мэдээллийн технолги, 255 технологи хариуцсан захирлуудаас авсан судалгааны үр дүн гэнэ. Судалгаанд хамрагдсан байгууллагуудын 4-ний 3 нь B2C, үлдсэн нь B2B байгууллагууд.
3. Ажлын байранд чатботын хиймэл оюун ухаан, ухаалаг туслахуудыг хэрхэн ашигладаг вэ?
Бизнесийн байгууллагууд ажлын байр, дотоод үйл ажиллагаандаа чатботыг хэрхэн, ямар зорилгоор ашигладаг юм бол гэсэн бодол танд төрж байсан уу?
Энэхүү судалгаанд яг энэ асуултанд хариу өгчээ. Comminty Spiceworks хэмээс компани Хойд Америк, Европийн компаниудын 500 гаруй IT мэргэжилтнүүдээс судалгаа авчээ.
Компаниудын 46% нь чатбот/ухаалаг туслахыг дуу хоолойг текст болгон хувиргахад, 26% нь багийн хамтын ажиллагааг дэмжихэд, 24% нь ажилчдын цагийн хуваарийн менежментийг зохион байгуулахад, 14% нь имэйл менежментэд, 14% нь хэрэглэгчдийн үйлчилгээнд, 10% нь дата анализ хийхэд ашигладаг байна.
Хамгийн өргөн ашиглагддаг ухаалаг туслахыг Microsoft Cortana тэргүүлж байгаа бол Apple Siri, Google Assistant удаалж байна.
4. Бизнесийн байгууллагуудын 80% нь 2020 оны эцэс гэхэд чатбот ашиглах болно.
Бүхий л салбарын бизнесийн байгууллагын удирдлагууд чатботын хэрэглээг хүлээн зөвшөөрч эхэлсэн төдийгүй 80% нь аль хэдийн чатботыг үйл ажиллагаандаа нэвтрүүлсэн эсвэл 2020 оны эцэс гэхэд нэвтрүүлнэ хэмээн хариулжээ.
Судалгааны үр дүнд дурьдснаар чатботыг ашиглаж эхэлснээр хэрэглэгчийн үйлчилгээний хэсэгт гарах санхүүгийн хэмнэлтийг ч бизнесийн байгууллагууд мэдэрч эхэлсэн байна.
5. Чатбот 2022 он гэхэд 8 тэрбум долларын зардлыг хэмнэнэ.
Чатбот нь энэ жил 20 сая долларын зардал хэмнэх бол 2022 он гэхэд зардлын хэмнэлт 8 тэрбум долларт хүрэх гэнэ. Хэрэглэгчдийн зүгээс ирдэг “Картаа гээчихлээ”, “Шинэ данс нээх” гэх мэт энгийн асуултуудыг чатбот дангаар шийдэх боломжтой гэдэг утгаараа зардлын хэмнэлтийг хамгийн түрүүнд, үр ашигтай гаргаж чадах салбарын нэг нь банкны салбар гэнэ.
Чатбот хэдийгээр бүх асуудлыг шийдэж чадахгүй ч хэрэглэгчийн үйлчилгээний ажилтны цагийг хэмнэж, эндээс ажилтны тоог бууруулах, улмаар зардлыг хэмнэх боломж гаргаж өгөх болно. Бүх байгууллагуудын хувьд шууд ийм хэмнэлт гаргах боломжгүй байж магадгүй гэхдээ үргэлж давтагддаг, түгээмэл асуултууд танай хэрэглэгчийн үйлчилгээний ажилтнуудын ихэнх цагийг авдаг бол чатбот эдгээр ажлыг тун чадамгай хийх боломжтой.
6. Чатбот нь хэрэглэгчдийн юу хийх гэж байгааг тодорхойлохдоо илүү үр дүнтэй ажилладаг болно.
Роботуудын эрин үе айсуй!
Магадгүй энэ жилийн хамгийн чухал тренд нь хэрэглэгчдийн юу хийхээр төлөвлөж буйг илүү үр дүнтэй тодорхойлдог чатботууд болов уу. Хэрэглэгчийн санаа бодол, нөхцөл байдлын шинжилгээний технологийн тусламжтайгаар чатботын хөгжүүлэлтийг шинэ түвшинд гаргаж эхэлсэн.
Ойрын ирээдүйд чатботын технологи асар өндөр түвшинд гарна. Харин бизнесийн байгууллагууд энэхүү технологийг хэрхэн ашиглах талаар суралцах, үр дүнтэйгээр өөрийн үйл ажиллагаанд нэвтрүүлэх талаар ажиллах шаардлага гарах болов уу.
7. 2021 он гэхэд байгууллагуудын 50-аас дээш хувь нь уламжлалт гар утасны апп хөгжүүлэхээс илүү чатбот хөгжүүлэлтэд илүү их зардал гаргах болно.
Гар утасны апп хэмээх уламжлалт ойлголт үгүй болох цаг айсуй. Ухаалаг утсан дээрээ аль нэг апп стороос татаж суулгадаг уламжлалт апп хэмээх зүйл хэрэглэгчдийн нэг сонголт л байх болно.
Simple Business Help компанийн Брэндон Шойфэр хэлэхдээ “Миний хувьд уламжлалт апп-аас илүү чатбот хөгжүүлэлтдээ хөрөнгө оруулалт хийгдэх болно гэдэгтэй санал нийлж байна. Ухаалаг утасны апп хөгжүүлэлтэд зарцуулах хөрөнгө оруулалтаас илүүтэй гар утас, суурин компьютер аль алинаас хандахад ашиглах чатботод хөрөнгө оруулах нь өгөөжтэй болж байна. Чатботын хувьд түгээмэл асуултад хариу өгөх, худалдан авагчид, хэрэглэгчдийг зөв чиглүүлэх гэх мэт маш олон давуу талыг авч ирэх үр ашигтай хөрөнгө оруулалт хэмээн үзэж байна”.
8. Бизнесийн байгууллагуудын 90% нь чатбот ашигласны дараа аливаа санал гомдлыг маш хурдан шийдвэрлэх боломжтой болно.
Дэлхийн олон улс, орны 600 гаруй удирдах албан тушаалтнаас судалгаа авахад чатботыг өөрийн бизнесийн үйл ажиллагаанд нэвтрүүлсэн бизнесийн байгууллагуудын ихэнх нь хэрэглэгчдийн санал гомдлыг шийдвэрлэх хугацааг богиносгож чаджээ.
Та хэрэглэгчийн санал хүсэлтийг хүлээн авдаг чатбот автоматжуулалтыг туршиж үзэх бол ЭНД ДАРНА УУ.
Хэрхэн хялбархан чатботтой болох вэ?
- Энд дарж манай чатбот хөгжүүлэлтийн үйлчилгээтэй танилцана уу.
- Хэрхэн ажилладаг, функцууд, ямар зориулалттай талаар богино видео бүхий дэлгэрэнгүй танилцуулгыг үзэн, чатбот хөгжүүлэх эсэх сонголтоо хийнэ.
- Сонголтоо хийсэн бол энд дарж нэр, утасны дугаар, имэйл, өөрийн салбар гэх мэт мэдээллээ үлдээж, чатбот хөгжүүлэлтийн үнийн санал, хөгжүүлэлтийн үйлчилгээгээ захиална.
- Захиалга баталгаажуулснаар манай чатбот хариуцсан мэргэжилтэн таньтай холбогдон шаардлагатай мэдээллийг өгөн хөгжүүлэлтийн ажил эхэлнэ.
Нийтлэлийг маань энэ хүртэл уншсан эрхэм харилцагч танд баярлалаа. Дараа дараагийн илүү өгөөжтэй шинэлэг нийтлэлүүдээ хүргэхэд тун таатай байх болно.
