Харвардын Их Сургуулийн фото зургийн ҮНЭГҮЙ онлайн сургалтанд хамрагдах боломж
Хэрэв та 2017 онд зураг авах чадвараа одоогийн өнгө, зохиомж муутай зураг авдаг түвшинөөсөө эрс дээшлүүлэх зорилго өмнөө тавьсан байгаа бол Харвардын их сургуулийн энэ ҮНЭГҮЙ онлайн сургалтанд суралцаарай.
Mark Zuckerberg, Bill Gates нарын сурч байсан уг сургуулийн фото зургийн иж бүрэн курс ALISON – хэмээх онлайн сургалтын вэб хуудсанд байрласан байна.
Гэхдээ нэг зүйлийг анхаарах хэрэгтэй. Энэ курс нь 2009 оны хөтөлбөр юм байна. Үндсэн нь ойлголтын хувьд хэвээрээ ч ашиглах программ хангамж гэх мэт ойлголтын хувьд хуучирсан байх магадлал бий гэнэ.
Харвардын их сургуулийн хувьд интернэтэд сургалтын хөтөлбөрөө байршуулж буй ганц алдартай сургууль нь ч биш л дээ. UCLA, Yale, Princeton гээд бүгд л энэ чиглэлд идэвхтэй ажиллаж байгаа харин эдгээр нэр хүндтэй сургуулиудын хувьд компьютерийн шинжлэх ухаан гэх мэт нэлээд хүнд сэдвүүдээр хичээлүүд оруулдаг бол энэ удаад хэн ч суралцах боломжтой сургалт орсон нь таатай санагдлаа.
