Дэлхийн нийт хүн амын 48% хувь нь буюу 3.7 тэрбум хүн сошиал медиа идэвхтэй хэрэглэж байна.
Эмнэлэг, эрүүл мэндийн байгууллагын хувьд сошиал медиа бол боломжит үйлчлүүлэгчидтэй харилцаа холбоо тогтоох, шинэ хэрэглэгчдийг олж авах, тухайн эмнэлэг, эрүүл мэндийн байгууллагад итгэх итгэлийг нэмэгдүүлэхэд чухал ач холбогдолтой юм.
Судалгаанаас харахад эрүүл мэндийн үйлчилгээ авахынхаа өмнө нийт өвчтөнүүдийн 57% нь эрүүл мэндийн байгууллагуудын талаар мэдээллийг сошиал медиагаас олж, судалсны үндсэн дээр сонголтоо хийдэг. Харин эмч нарын 60% нь сошиал медиаг өвчтөнүүдтэйгээ байнгын тогтвортой харилцаа тогтоох, иргэдийн эрүүл мэндийн боловсролыг нэмэгдүүлэх гол хэрэгсэл болгон ашигладаг аж.
Өөрөөр хэлбэл сошиал медиа бол өвчтөнүүдийн хувьд тухайн байгууллагад итгэх итгэлийг бүрдүүлж, мэдээллээр хангах, эмч эмнэлгийн байгууллагын хувьд брэндийн үнэ цэнийг өсгөх чухал хэрэгсэл юм.
Эмнэлгийн салбарын сошиал медиа маркетингийн стратеги гаргахын өмнө
Ямар нэгэн өвчин эмгэг туссан хүн юун түрүүнд итгэж болох үнэн бодит, найдвартай мэдээлэл хайж эхэлдэг. Иймээс хэрэв та эмнэлэг, эрүүл мэндийн салбарын сошиал медиа маркетингийн стратеги гаргах гэж байгаа бол юун түрүүнд “Бидний нийтэлсэн контент үйлчлүүлэгчдэд үнэхээр хэрэгтэй юу” гэдгийг бодолцох шаардлагатай.
Мэдээж тухайн эрүүл мэнд, эмнэлгийн байгууллага яг ямар үйлчилгээг голлон үзүүлдэг гэдгээс хамааран хүргэх контентын агуулга, өнгө төрх, чиглэх мессеж ялгаатай болдог бөгөөд үүнийг тодорхойлохын тулд маркетингийн персона буюу боломжит худалдан авагчийн зургийг гаргах хэрэгцээ гардаг. Үүний дараа хэрэглэгч тухайн мэдээллийг харсны дараа ямар үйлдэл хийхийг маркетерууд хүсэж байгаагаас хамааран худалдан авалтын замналыг заавал тодорхойлон гаргах шаардлага үүснэ.
Эрүүл мэнд, эмнэлгийн салбарын сошиал медиа маркетингийн практик зөвлөгөө
Эрүүл мэндийн зөвлөгөө мэдээлэл бол иргэн бүрт сонирхолтой, хэрэгтэй мэдээлэл байдгаараа бусад салбараас ялгаатай. Тиймдээ ч энэ талын мэдээлэл олонд түгэж байгааг та бүхий л сошиал медиад нийтлэгдэж буй контентоос харж болно.
Гэхдээ бидний зорилго бол харагдаж, анхаарал татах төдий биш юм. Хэрэв та зөвхөн хэрэглэгчийн анхаарлыг татаад л орхивол сонирхогчийн түвшинд ажиллаж буйгаас ялгаагүй. Өнгөрсөн хугацаанд хамтран ажилласан энэ салбарт үйл ажиллагаа явуулдаг цөөнгүй эмнэлгийн байгууллагын маркетингийн практикаас харахад хэрэглэгчидтэй харилцаа холбоо тогтоон итгэл бий болгоход анхаарах хэрэгцээ нэн тэргүүнд буйг бид анзаарсан.
Тэгвэл энэхүү харилцааг хэрхэн бий болгох вэ? гэсэн асуулт гарч ирнэ. Доорх жишээ зурагт бид хамтран ажилладаг байгууллагууддаа ашигладаг маркетингийн зураглалыг хялбарчлан харууллаа. Дахин сануулахад энэхүү зураглал нь ойлгоход хялбар болгох зорилгоор хураангуйлсан хэлбэрээр зөвхөн сошиал медиа тухайлбал Facebook пост, чатботоор дамжсан харилцааг харуулав. Бусад харилцааны цэгүүд, маркетингийн сувгуудыг бодит байдал дээр тооцох шаардлага гарна гэдгийг мартаж болохгүй.
Зурагт дүрсэлсэнчлэн бид аль нэг үйлчилгээг танилцуулах Facebook пост нийтэлсэн гэж төсөөлье. Бидний нийтэлсэн пост бүр үнийн саналыг чатаар авах тохируулгатай байх бөгөөд тухайн иргэн ямар үйлчилгээний үнийн санал авсныг бид чатботоороо дамжуулан бүртгэж авна. Жишээлбэл, зүрхний эмгэгийн шинжилгээний мэдээлэл авсан гэж үзвэл бид “Танд зүрхний шигдээсээр өвчлөх эрсдэл бий юу?” гэсэн сонжоог чатбот ашиглан илгээх бөгөөд тус сонжоонд хэрэглэгчийн нас, хүйс, өвчний түүх зэргийг асууж, мөн илэрч байгаа шинж тэмдэгт нь үндэслэн эрсдэл хэр байгааг тодорхойлон хариу илгээх болно.
Бүртгэл дээрх зурагт байгаачлан үүсдэг бөгөөд үүний дараа эрсдэл өндөртэй байгаа хүн рүү өгөх ёстой шинжилгээний дэлгэрэнгүй танилцуулга болон үнийн мэдээлэл, эмч нарын танилцуулга илгээх бол эрсдэл багатай байгаа хүн рүү бусад сонжоо, зүрхний эрүүл мэндийн талаар зөвлөгөө мэдээлэл илгээнэ. Ингээд тухайн хүнийг манай байгууллагаас байнгын тогтвортой мэдээлэл авах хүсэлтэй байгаа эсэхийг лавлаж, авахаар бүртгүүлсэн хүн рүү 7 хоногт тутамд эрүүл мэндийн зөвлөгөө мэдээлэл хүргэдэг.
Гэхдээ энэ бол сошиал медиа маркетингийн зөвхөн чатбот дахь боломж бөгөөд харилцдаг байгууллагынхаа маркетингийн үр дүнг илүү нэмэгдүүлэхийн тулд CRM-ийн бусад боломж, и-мэйл маркетинг зэрэг маркетингийн арга хэрэгслүүдийг ашиглах шаардлага бидэнд үүснэ.
Эмнэлгийн байгууллагын заавал туршиж үзэх контентын 5 санаа
Энгийн, сонирхолтой контент
Эрүүл мэндийн салбар бол бусад салбартай харьцуулахад харьцангуй хөгжилтэй, хөнгөн байдлаар үйлчлүүлэгчдэд мэдээлэл хүргэхэд бэрхшээлтэй салбар. Гэхдээ бид үйлчлүүлэгчийг айдаст автуулж болохгүйг анхаарах ёстой.
Тэгвэл хэрхэн одоогийн болон боломжит үйлчлүүлэгчдийг айдаст автуулж, эвгүй сэтгэгдэл төрүүлэхгүйгээр мэдээлэл хүргэх вэ? Үүний нэгэн сайн шийдлийг Америкийн эрүүл мэндийн United Health Care байгууллагын “We Dare You” кампанит ажлаас харж болно. Тус байгууллага өөрийн вэб хуудсандаа сар болгон эрүүл мэндийн сонжоо, үйлчлүүлэгчдэд хэрэгтэй сонирхолтой мэдээлэл нийтэлдэг бөгөөд энэ нь эрүүл мэндийн салбарын сайн маркетингийн жишээнд тооцогдог аж. Тус жишээ нь маш сонирхолтой байсан бөгөөд бусад эмнэлэг, эрүүл мэндийн байгууллагаас ялгаатай байж чадсан.
2020 онд Facebook ганцаарчилсан, нууцлаг харилцааг дэмжихээ мэдэгдэж, бүх мэдээллээ хүргэх зарын самбар бид биш байх болно гэсэн.
Үүний хүрээнд бид хамтран ажилладаг Unimed International Hospital болон Юнимед Үр шижлүүлэн суулгах төвийн хуудсанд мэдээлэл авахыг хүссэн хүн рүү чатботоор сонжоо илгээх дараах контентыг цуврал болгон бэлдсэн бөгөөд энэ нь “We Dare You” кампанит ажлын адил хэрэглэгчидтэй байнгын холбоо харилцаатай байж тэднийг үнэ цэнтэй мэдээллээр хангахад тусалж чадсан. Яг энэхүү контент гэхэд хүртээмжийн хувьд бусад контентоос 10 дахин илүү, engagement-ийн хувьд 20-30 дахин илүү байсан юм.
Үйлчлүүлэгчдийг “Cold Audience” буюу танай талаар өмнө сонсож байгаагүй, худалдан авалт хийхэд бэлэн бус, “Warm Audience” буюу танай талаар хангалттай мэдээлэл авсан, худалдан авалт хийхэд ойр байгаа хэрэглэгч гэж ангилдаг. Cold Audience-д шууд борлуулалтын мэдээлэл хүргэх нь хэзээ ч амжилттай байж чаддаггүй. Харин тэднийг байнгын хэрэгтэй мэдээллээр, хэрэгтэй цагт нь хангаснаар Warm Audience болгон хувиргах боломж бий. Ингэж л чадвал маркетингаа та борлуулалт болгож чадна.
Мөн түүнчлэн бид чатботоор сонжоог бөглөсөн хүмүүсийг бүртгэн авч худалдан авалтын замналын дагуу тэдэнд үе шаттай контент хүргэж чадсан нь хэрэгтэй хэрэглэгчид, хэрэгтэй мэдээллийг, хэрэгтэй цагт нь хүргэх маркетингийн зарчмыг хангаж чадлаа.
Доорх зурагт харуулснаар цус харвалттай холбоотой үйлчилгээг 918 хүн сонирхсон бөгөөд бид эдгээр хүмүүсийг чатботоороо бүртгэн авсанаар дараа дараагийн энэ сэдвээр бэлдэж буй контентоо зорилтот бүлэг рүү чиглүүлэн маркетингаа борлуулалт болгосон юм.
Түүнчлэн “We Dare You” кампанит ажлын хүрээнд United Health Care байгууллага өөрийн сошиал медиа хуудсандаа амьдралын хэмнэлээ өөрчилж, эрүүл мэнддээ эерэг өөрчлөлт авч ирэх талаар зөвлөгөө мэдээллийг тогтмол хүргэдэг бөгөөд энэ нь контентын хүртээмжийг нэмэгдүүлэх, брэндийн танигдалтыг өсгөхөд онц ач холбогдолтой байжээ.
Viral маркетинг ба сэтгэл хөдөлгөсөн байдлыг чухалчлах
Viral маркетинг буюу богино хугацаанд харьцангуй өргөн бүлгийн анхаарлыг татах маркетингийн арга нь эрүүл мэндийн байгууллагын хувьд маркетингийн маш үр дүнтэй аргуудын нэг болно. Учир нь эрүүл мэндийн асуудал бол бүхий л хүний анхаарлыг татаж болохуйц сэдэв билээ. Бүх хүмүүс л хорт хавдар тусахгүй байх, эрүүл зөв амьдралын хэмнэлийг дэмждэг шүү дээ.
Энэ салбарт ажиллаж буй менежер, маркетеруудын хувьд одоогийн болон ирээдүйн үйлчлүүлэгчдийн анхаарлыг нь татаж болохуйц тэр сэдвийг олж, кампанит ажил зохион байгуулах хэрэгтэй. Жишээлбэл, хорт хавдар судлалын эмнэлгүүд гэхэд “Ice Bucket Challenge”, “Brave the Shave” зэрэг кампанит ажлуудаас санаа авч болох юм.
We’re looking for people for our 2018 Brave the Shave photoshoot! They will take place from next week through to April. We’ll make it a really special day, with a professional photographer, make up and expenses paid. Email us at bravetheshave@macmillan.org.uk for more info. pic.twitter.com/Hi1gvQbEGm
— Brave The Shave (@Brave_The_Shave) February 20, 2018
Тухайн салбарын найдвартай эх сурвалж бол
Хэрэв та эмнэлгийн салбарын маркетинг хийх гэж байгаа бол тухайн салбарын найдвартай, бодит мэдээллийг хүргэдэг эх сурвалж нь болоход анхаарах хэрэгтэй. Эрүүл мэндийн байгууллагаар үйлчлүүлэгчдийн 80% нь үйлчилгээ авахаасаа өмнө тухайн байгууллагын талаар мэдээлэл авсан байдаг гэсэн судалгаа бий.
Тиймээс бид хамтран ажилладаг Юнимед үр шилжүүлсэн суулгах төвийн хуудсаар эмч нартайгаа хамтран LIVE хийдэг. LIVE хийхийн өмнө чатботоороо дамжуулан одоогийн болон ирээдүйн үйлчлүүлэгчдээсээ “Манай нарийн мэргэжлийн эмч үргүйдлийн талаар таны асуултад хариулах LIVE хийх гэж байна. Та асуухыг хүссэн асуутаа үлдээнэ үү, мөн манай LIVE-ийг үзэх бол сануулга үүсгээрэй” гэсэн масс мэссэжийг чатботоороо явуулсан. Үүний дараагаар ирсэн асуултандаа хариулсан бөгөөд LIVE эхэлмэгц “Таны асуултад хариулах LIVE эхэллээ” гэсэн масс мессежийг чатботод сануулга үүсгэсэн хүмүүс рүү илгээсэн нь үзэлтийг 10 дахин өсгөсөн ба хэрэглэгчийн хариу үйлдэл ч нэмэгдэн, мэргэжлийн зөвлөгөөг зөвхөн манайх хүргэж чадна гэсэн дүр төрхийг гаргаж чадсан.
Эмч нараа сурталчил
Иргэд эрүүл мэндийн үйлчилгээг сонгохдоо эмнэлгийг биш эмчийг сонгодог. Өөрөөр хэлбэл аль эмнэлэг хамгийн чадвартай эмчтэй байна тэр эмнэлэгт хандах хандлага түгээмэл бий. Тиймээс хэрэв танайх чадварлаг баг хамт олонтой бол тэднийг сурталчилсан энгийн хэрнээ байгууллагын соёл, үйлчилгээг танилцуулсан контент нийтлэх хэрэгтэй. Бид энэ төрлийн контентыг жишээ авч буй эмнэлэгтээ ч мөн хийдэг.
Дүгнэлт
Мэдээлэлд суурилсан оновчлол бүхий маркетингийн нэвтрүүлэхүй
Контент бол хөрөнгө мөнгө, цаг хугацаа, хөдөлмөр зардаг ажил. Сошиал медиа маркетинг гэдэг контентод суурилсан байдаг нь үнэн ч контент сонирхолтой байх нь хангалтгүй юм. Учир нь хэрэглэгч хэзээ ч нэг удаагийн сонирхол төдийхнөөр танай үйлчлүүлэгч болохгүй. Иймд хэрэглэгчийн бүртгэл үүсгэн тэдэнтэй тогтвортой байнгын харилцаа холбоо бий болгох нь танай байгууллагын маркетингийг борлуулалт болгож чадна. Өөрөөр хэлбэл сонирхолтой контентоос орж ирсэн сэжмийн арчилгааг байнга гүйцэтгэн сонирхогчийг хэрэглэгч болгох ажил бидэнд зайлшгүй хэрэгтэй.
Түүнчлэн сошиал медиагийн хамгийн хүртээмжтэй, гол суваг болох Facebook-ийн хувьд органик хүртээмж буюу мөнгө төлөхгүйгээр хүргэх хүртээмж байнга буурч байна. Хэдхэн жилийн өмнө нийт хуудасны дагагчийн ойролцоогоор 12%-д бидний бэлдсэн контент органикаар хүрдэг байсан бол одоо 6.4%-д нь л хүрч байна. Гэхдээ Facebook-ийн алгоритмийн дагуу аль контент олон коммэнт авч чадна тэр контент дагагчийн тооноос хамаарахгүйгээр олон хүнд хүрдэг. Жишээлбэл бидний жишээ авч буй Юнимед эмнэлгийн тухайд 70,000 гаруй дагагчтай ч олон коммэнт авч чадсан контент 140,000 гаруй хүртээмжтэй байна. Тиймээс сурталчилгааны зардлыг хэмнэхийн тулд авч буй бидний хамгийн шалгарсан арга нь одоогоор чатбот байгаа бөгөөд энэ нь хэрэглэгч танайхыг сонирхсон даруйд хариу өгөх харилцагчийн үйлчилгээг бүрэн хангаж чадна.
Бидний бодит туршлага, онолын мэдлэгээс үндэслэсэн бэлдсэн тус нийтлэл эмнэлгийн салбарын менежер, маркетер таны өдөр тутмын ажилд тусална гэдэг бид итгэж байна. Гэхдээ маркетингийн ажил гэдэг тогтвортой, зорилготой байдлаас үр дүн гардаг учир та заавал өөрийн байгууллагад дээр дурдсан боломжийг туршиж үзээрэй. Мөн зайлшгүй чатботыг өөрийн сошиал медиа хуудсандаа нэвтрүүлээрэй. Танд амжилт хүсье.
